曲: 雷頌德 詞: 黃偉文 編: DRY 唱: 雷頌德 白: 梁朝偉

「撞返佢嗰日，我啱啱同女朋友因為簡東拿而嗌咗場大交，至於點解係簡東拿——我諗唔係咁方便講畀大家聽，總之我哋係埋一齊四年，曾經試過因為三國誌、加州飯卷、維他命B雜、北京控股、松隆子嘅化妝品廣告，甚至係 Yahoo嘅Net Search，同埋好多似乎唔係太適合作為分手理由嘅原因而嗌咗無數次交，我諗情形其實同一般情侶冇乜大分別……」

【甚么不妥？ 餐廳選錯？ 鮮花揀錯？ 敏感么？甚么都錯？ 刀叉擺錯？ 英文講錯？ 我識錯？
我要以我這種粗魯失禮 難自製
就像未曾入世去襯托你那種優雅高貴
教養才學與智慧猜一猜 幾千萬人 幾億萬人
站著任你怨的人 會有幾人想一想 幾千萬人 幾億萬人
獨獨是我這種人有這種特別成份 才可將你優點映襯】

「講番呢個偶然喺街上面撞返嘅人，嚴格来講，佢算係我大學嘅同學，同級但係唔同系。二年級嗰陣，一齊修讀過一個學期“西方思想哲學討論”，喺電影節撞過幾次，於是約过下大家打籃球，同埋睇最热爱舞臺劇。
最記得果次係有一年嘅二月十三號，大家一齊系大學站miss咗出九龍嘅尾班火車，我同佢企系冇人嘅月台上邊過咗果個情人節嘅十二點……我請佢食咗一塊朱古力橙餅。」
「畢業之後，唔知點解我　就冇再聯絡，甚至可以話，呢七八年之間，我都只係諗番呢個人一兩次……最多三次……」

去對照你那種精緻仔細 無人能及你駕勢猜一猜
幾千萬人 幾億萬人 站著任你怨的人 會有幾人
想一想 幾千萬人 幾億萬人
獨獨是我這種人有這種特別成份 才可將你優點映襯　

「直至今日，我哋有一次喺夜晚八點几嘅銅鑼灣撞返，今次係佢認到我先。冇見對方接近十年之後，佢同我講噶第一句說話係：我屋企雪櫃有支vodka，上来同我飲杯啊！
後來我先知道，佢果晚都係同女朋友嗌咗交，聽講系因為Madonna嘅Don't cry for me, Argentina。」

猜一猜 幾千萬人 幾億萬人
糊塗但愛你的人 哪裡找尋想一想
幾千萬人 幾億萬人
獨獨是這對戀人 有這種特別成份 從相反處顯得相襯

「跟住落来嘅个故仔其實冇咩好講，我淨係想話，稳到一個可以陪你行街睇戲食飯训覺結婚生仔嘅人似乎唔係咁容易，但要稳到一個同你一樣咁鐘意滑水、一樣咁迷川久保玲、一樣識唱晒成首“金剛飛天鑽”主題曲、一樣習慣食完晒Ｄ飯先至慢慢歎Ｄ鳳爪排骨嘅人更加係萬中無一，其他嘅野，都已經唔係咁重要。」
「——於是，我同佢係埋一齊，一路到而家。」