孤單一人 惦一咧無人熟識的城市
寂寞的心拖著阮悲傷的行李
想要放棄 奈何心肝內有妳的記憶
黏置阮身軀邊 放袂離

明知妳是 愛自由嘸願對阮認真
溫柔面對 所有的熱情是暫時
嘸願聽見 妳甲別人出入的消息
一心想要斬斷 煞無退出勇氣

愛恨一粒心 提醒阮離開這段情
感情放這深 束縛阮難捨的決定
失去原來的靈魂 當初愛過的單純
到如今早就已經分袂清

愛恨一粒心 快樂悲傷滲酒來飲
心碎的表情 忍置阮心內痛袂停
真心愛妳的過程 換來是妳的無情
茫一瞑當作無緣放乎去